Previa encuentro Tarragona 2017 - KICS Ciudad de Vigo

Vigo

previa del encuentro entre el Tarragona 2017 y KICS Ciudad de Vigo, encuentro correspondiente a la jornada 11 de la Adecco Oro. http://www.ciudaddevigobasquet.com/blog/2009/11/26/kics-ciudad-de-vigo-ante-un-rival-directo/

APROEMA CELEBRA SU ENCUENTRO ANUAL

Galicia El Viernes, 27 de noviembre de 2009, la Asociación Profesional de Empresas Medioambientales de Galicia (APROEMA), realizará su tradicional cena de confraternidad anual. Este año el evento se efectuara en las instalaciones del Hotel Puerta del Camino, ubicado en Santiago de Compostela. En su afán por realizar actividades de interés para un sector cada día más profesionalizado, ha organizado una Jornada a las 18.30 horas, sobre "Liderazgo como Fuente del Cambio en la Empresa. Claves para modificar los comportamientos”, la misma patrocinada e impartida por la prestigiosa empresa “QCoach Desarrollo Directivo”, posteriormente a las 21.30 horas se realizara la cena, en la cual el Presidente de la Asociación D. Javier de la Cerda Ibáñez efectuara una intervención para destacar las actividades más relevantes del año 2009 y los objetivos planteados para el venidero año. En este acto se rendirá homenaje otorgándole el distintivo de “Miembro de Honor” a D. Carlos Pérez Mosteiro, como miembro fundador y anterior presidente de la Asociación.

FEIJÓO SUBLIÑA O APOIO “UNÁNIME” DOS EMPRESARIOS GALEGOS Á XUNTA NA SÚA DEFENSA DUN SISTEMA FINANCEIRO BASEADO NOS CRITERIOS DE “SOLVENCIA E GALEGUIDA

Galicia

O presidente da Xunta resalta que as empresas precisan dun instrumento financeiro que funcione “desatascando as cañerías dos créditos” e que manteña os centros de decisión próximos a Galicia O xefe do Goberno galego mantivo hoxe unha xuntanza coa Confederación de Empresarios de Galicia e cos presidentes das confederacións provinciais para analizar o futuro das caixas Fontenla reclama que se prime a galeguidade e a eficacia económica dun sistema financeiro que “lle permita tanto á sociedade galega como aos empresarios seguir mantendo unha liña de liquidez que nestes momentos de crise é vital”.

“Esa á unha cuestión que compartimos e hai un respaldo unánime do empresariado galego” sinalou o máximo mandatario autonómico, quen insistiu en que o futuro das caixas e do sistema financeiro galego “ten que ter un criterio de solvencia”, ao tempo que “interesa moitísimo que os núcleos de decisión, da concesión de créditos, da priorización dos investimentos, en definitiva, da fluídez de crédito, estea canto máis preto de Galicia mellor”. Feijóo incidiu en que solvencia e galeguidade son os dous parámetros que rexen a postura da Xunta e agradeceu o “respaldo unánime do empresariado galego para afondar nese dobre compromiso”, coincidindo en que “a solvencia e a galeguidade son os principios básicos cos que debe actuar o Goberno de Galicia”. Destacou que as empresas galegas precisan “dun instrumento financeiro que funcione, e que funcione significa que se desatasquen as cañerías dos créditos, e que funcione significa que a solvencia estea asegurada, e por suposto tamén, se é posible, a galeguidade, é dicir, que os centros de decisión, estean próximos ás empresas galegas”. Pola súa banda, o presidente da Confederación de Empresarios de Galicia, Antonio Fontenla constatou que, tras a xuntanza de hoxe co presidente, a conclusión da institución que representa coincide coa Xunta no apoio a que “o produto resultante no sistema financeiro galego sexa un sistema financeiro baseado na solvencia”. “O máis importante para nós é que de forma perdurable sexa eficaz na economía, que se prime a súa galeguidade, e, sobre todo, que se prime que sexa un sistema financeiro que lle permita tanto á sociedade galega como aos empresarios seguir mantendo unha liña de liquidez que nestes momentos de crise é moi necesario e vital para sobrevivir ata que chegue o momento de desenvolvemento”, afirmou o presidente dos empresarios.

Cierre del festival CATROPEZAS con el estreno mundial de CUARTO PISO SIN ASCENSOR

Vigo

PROVISIONAL DANZA CIERRA EL CATROPEZAS 09’ EN UNA COPRODUCCIÓN CON LA COMPAÑÍA CHILENA ESCENAALBORDE TRAS EL ENORME ÉXITO COSECHADO POR EL SEIS CORDAS, TEATRO ENSALLE PRESENTA EL ESTRENO MUNDIAL DE CUARTO PISO SIN ASCENSOR Los días 27 (22:00h.), 28 (22:00h.) y 29 (21:00h.), Carmen Werner, que participó en la última edición del SeisCordas, vuelve a la escena de Teatro Ensalle para cerrar el mes de la danza. En una de las giras que Provisional Danza realiza por Sudamérica todos los años, Carmen Werner estableció contacto con la compañía chilena Escenaalborde, realizando esta coproducción en la que participa Alejandro Morata. Este fin de semana tendremos la oportunidad de presenciar el estreno mundial absoluto de Cuarto piso sin ascensor, con la colaboración de Iberescena. "Tu miedo es poderoso metafísico el mío un joven empleado con un maletín con un archivo y un cuestionario cuando nací que medios de vida que no he hecho en que no creo que hago aquí cuando dejare de simular a donde iré luego" Rozewcz Qué le lleva a un hombre pensar así y no es ser pesimista, cualquier comentario sobra. Es un poco triste, nos limitamos a hablar de la verdad. Los intérpretes construirán un espacio de reflexión desde el movimiento, estar en un lugar y no poder salir de él, llegar a un lugar, ¿para qué?, ¿quiénes son los otros que me acompañan?, estoy en un lugar con otros y estoy solo...

AXENDA 27 DE NOVEMBRO XIX SEMANA DE CINE SUBMARINO DE VIGO

Vigo

Mañá tamén proxectarase, ás 20,00h., Caribe Salvaxe: Arrecifes e naufraxios, unha produción británica de 50 min. que retrata as illas e arrecifes coralinos do mar Caribe, un dos hábitats máis ricos do planeta. Xornada III Lugar Hora Proxección: “Caribe salvaxe: arrecifes e naufraxios” Produción: Karen Bass para BBC Proxección e coloquio:

“O bosque encantado” (Dir.: Jorge J. Candán) Moderador coloquio: Jorge J. Candán Centro Cultural Caixanova 20,00 horas * A XIX Semana de Cine Submarino ofrece, dentro da súa programación, pases especiais para os escolares en horario de 10,00 e 12,00 horas. * A XIX Semana de Cine Submarino está organizada pola Vicerreitoría de Extensión Universitaria da Universidade de Vigo e o Club Subacuático Bahía de Vigo. CARIBE SALVAXE: ARRECIFES E NAUFRAXIOS Gran Bretaña: 50 minutos. Español Fotografía: Howard Hall, Michael Pitts, Bob Craston Produción: Karen Bass para BBC As illas e arrecifes coralinos do mar Caribe reúnen as condicións dos hábitats máis ricos do planeta, cunha enorme variedade de vida mariña. Máis de 7000 illas con praias virxes forman unha grande barreira entre o océano e as resgardadas augas do Golfo de México. Con todo, este paraíso de augas cristalinas está axexado polo perigo de fortes O BOSQUE ENCANTADO Galicia: 30 minutos. Galego Imaxe, Guión e Dirección: Jorge J. Candán Producións Subacuáticas: J.J. Candán Música orixinais: David Morales

O MpDC amosa a máis grande indignación pola actitude do Concello do Grobe cos seus concidadáns

Galicia

O Movemento polos Dereitos Civís vén de coñecer a resposta do Concello do Grobe ante o recurso contencioso-administrativo contra a vía de feito que lle interpuso recentemente o Club Piragüismo O Grobe. O cinismo, a mala fe e a ausencia de principios manifestada pola institución pública sobrepasan as xa de por si esperpénticas resolucións adopotadas por ela sobre este tema. O consistorio grobense, ante a acusación feita pola dita asociación de piraguismo de o Concello lles confiscar material do clube nas instalacións municipais do Pavillón de Deportes Naúticos, alega “non ter vontade de reter na súa posesión” o citado material e engade ter interese “de que se retire, por constituír un obstáculo” para a práctica deportiva dos outros clubes. Adeamais, desde o Concello aseguran que o Club Piragüismo O Grobe “ten ao seu dispór o material da súa pertenza que se atope depositado nas instalacións do Pavillón Municipal de Oeportes Náuticos, o cal lle será entregado polo empregado responsable do mesmo Don Manuel Conde Pérez”.Desde o colectivo polos Dereitos Civís non se entende como unha resposta municipal pode levar aparellada tal alto nivel de cinismo, mala fe e descrédito para unha asociación como é o Club Piragüismo O Grobe. Un Concello debe velar e asisitir a cidadáns e colectivos que nel están inscritos e/ou empadroados. Á vista está que este non é o caso do Grobe, quen pisa, queima e asoballa a unha asociación que traballa polo deporte en prol da cidadanía, como debería facer o propio Concello. Esta lea xurdiu cando o conserxe do dito recito, “sen motivo ningún” informa os deportistas alí presentes de que ten orde de que retiren as piraguas, pás e outras ferramentas e apeiros deportivos das referidas instalacións. Ademais, o bedel ameazou, segundo os membros do clube con que se non retiraban os efectos el mesmo o faría pola súa conta e as poría na rúa, así como substituiría o bombín da pechadura, da cal o Club ten chave desde 1998. Tal e como informan desde a asociación deportiva grobense, todas as ordes anteriores viñan do concelleiro de Deportes Alfredo Bea García.Tendo o Club diversas piraguas no espazo que ten asignado en tal pavillón, os feitos da presente denuncia lévanse a cabo sen resolverse o procedemento administrativo que hai en curso en relación coa expulsión do Redim e coa recusación do dito concelleiro, quen afirmou que el era o concelleiro e polo tanto tiña potestade “para expulsar cando e a quen lle dese a gana”.Ademais, desde o MpDC lémbrase que foi preciso ir a un procedemento xudicial para que desde o Concello ofrecesen o material anteriormente referenciado cando previamente en duas ocasións se lle solicitou en procedemento administrativo a través desta asociacion tendo o silencio, unha vez máis, como resposta. Outra volta de rosca, o REDIMO Movemento polos Dereitos Civís solicitou, no seu momento, ao Concello do Grobe a nulidade de pleno dereito da resolución municipal que acorda dar de baixa no REDIM o Club de Piragüismo Ogrobe por non ter presentado certa documentación esixida que non está prevista na lexislación imperante na materia. Ademais, o colectivo pide que se se estimen as alegacións interpostas polo presidente do clube de piragüismo, Filipe Besada, en representación do mesmo.Os feitos remóntanse a decembro de 2008, cando a asociación Club Piragüismo Ogrobe presentou por escrito toda a documentación requerida e correspondente ao regulamento orgánico do Concello do Grobe para cumprir o trámite preciso para a renovación anual da inscrición das entidades deportivas no Rexistro de Entidades de Interese Municipal.Ademais, vemos como quebra o principio de boa fe que debe marcar a actuación administrativa, xa que a esixencia de tal documentación e a traxectoria da asociación, que leva inscrita no Rexistro desde o 1997 e realizando cumpridamente os trámites cada ano sen ningún problema fan sospeitar da finalidade que pode perseguir o Concello, para que non sexa partícipe das subvencións ás que teñen dereito as entidades inscritas no mesmo.

ARTESANÍA DE GALICIA PARTICIPA NO I SALÓN TURÍSTICO DE GALICIA QUE SE CELEBRA ESTA FIN DE SEMANA EN SILLEDA

Galicia

A Fundación Centro Galego da Artesanía e do Deseño leva un stand da marca Artesanía de Galicia, no que participan catro artesáns do téxtil e da cestería que se encargarán de realizar demostracións en vivo. Turexpo celébrase en Silleda do 27 ao 29 de novembro, está dirixido principalmente a turoperadores e terá como principal protagonista ao Xacobeo 2010. A Consellería de Economía e Industria promociona o sector artesán galego como reclamo turístico na primeira edición de Turexpo. O I Salón Turístico de Galicia celébrase no recinto feiral de Silleda entre o 27 e o 29 de novembro co obxectivo de ofrecer un amplo abano de propostas e de destinos turísticos, así como de fomentar o uso das novas tecnoloxías para o desenvolvemento do sector turístico. No marco deste evento, a Fundación Centro Galego da Artesanía e do Deseño leva un stand da marca Artesanía de Galicia no que se poderán ver as demostracións en vivo de catro artesáns especializados nos eidos do téxtil e da cestería. As cesteiras Idoia Cuesta Alonso e Aurora Martínez Orge, así como os especialistas na elaboración artesanal do tecido Rafael González Goyanes e María José Martínez Pérez, amosaranlle o seu traballo aos visitantes durante o horario de apertura do Salón, de 10:00 a 19:00 horas o venres e de 10:30 a 20:00 horas durante a fin de semana. A exhibición e a divulgación da artesanía galega é unha das liñas de traballo da Fundación Centro Galego da Artesanía e do Deseño – dependente da Consellería de Economía e Industria – posto que se trata dun xeito de lle achegar estes oficios á sociedade en xeral, concienciala do valor engadido das pezas únicas resultantes así como promovelo como unha opción máis dentro do mercado laboral.

O PADROADO DO PARQUE NACIONAL DAS ILLAS ATLÁNTICAS REÚNESE PARA PRESENTAR UN PLAN RECTOR DE USO E XESTIÓN DO PARQUE

Galicia

O Plan Rector de Uso e Gestión (PRUG) constituirá unha norma básica no futuro do Parque O Padroado do Parque Nacional Marítimo-Terrestre das Illas Atlánticas reúnese a próxima semana para tratar diversos temas relacionados coa xestión e o futuro do Parque Nacional. Entre os membros do Padroado estarán presentes o presidente do mesmo, Fernando Garrido Valenzuela, o director conservador do Parque Nacional, José Antonio Fernández Bouzas e o director xeral de Conservación da Natureza da Consellería do Medio Rural, Ricardo García-Borregón.Na xuntanza, que terá lugar o próximo 3 de decembro na Delegación da Xunta en Vigo, ademais de tratar o informe de actividades do Parque entre xullo e decembro deste ano, entregárase aos membros do Padroado un borrador do Plan Rector de Uso e Gestión (PRUG) que constituirá a norma básica fundamental para a xestión do Parque. Do mesmo xeito realizarán unha presentación do Plan Director da Red de Parques Nacionais, que todos os padroados de parques nacionais teñen que coñecer e informar. Para rematar a reunión tratáranse dous plans de conservación, un do cormorán moñudo e outro sobre os reptís do Parque. Visitantes De xaneiro a setembro deste ano 2009 o Parque Nacional das Illas Atlánticas recibiu 272.171 visitantes, (a maior parte deles nas Illas Cíes), converténdose no Parque máis visitado de toda Galicia.

NP MEDIO AMBIENTE EXECUTARÁ A REORDENACIÓN DO ACCESO A BAIONA DESDE A AG-57, A MELLORA DA INTERSECCIÓN EN SABARÍS E A PAVIMENTACIÓN DE VÍAS DE SERVIZO

Galicia

O proxecto céntrase na construción dunha rotonda que permita o tráfico continuo procedente da autoestrada e de vías municipais e a posibilidade de efectuar cambios de sentido As obras benefician máis de 11.000 habitantes do concello de Baiona O prazo de execución das actuacións é de seis meses.

Obras que se van realizar O acceso desde a AG-57 á principal vía de comunicación entre A Ramallosa e Baiona está resolto de forma provisional mediante unha minirotonda que provoca interferencias de distintos tráficos, o que orixina importantes incidencias. Así, o proxecto aprobado pretende reordenar os tráficos e unificar circulacións co fin de ofrecer un mellor servizo aos usuarios. Por unha parte, levarase a cabo a demolición da minirotonda e construirase unha rotonda que permita o tráfico continuo procedente da autoestrada e pola súa vez reordene os tráficos referidos ás vías municipais, posibilitando a realización do cambio de sentido. Por outra parte, levarase a cabo a reordenación da rotonda A Ramallosa-Baiona, unificando os movementos que actualmente presentan dificultades debido ao estado da dita rotonda, que está descentrada e conta con multitude de illetas. Ademais, o proxecto tamén inclúe a mellora do piso de vías de servizo paralelas ao ramal de Sabarís. As unidades principais de obra céntranse en demolicións e movementos de terra, mellora de pisos e pavimentos, drenaxe de pluviais, iluminación , sinalización e estudos complementarios de seguridade e saúde. A Consellería de Medio Ambiente, Territorio e Infraestruturas enmarca as citadas accións no obxectivo fundamental de ordenación do territorio, para o cal é preciso dispoñer dunha eficaz e segura rede de infraestruturas de comunicación. As obras de mellora benefician o concello de Baiona, concretamente 11.014 habitantes e axudan ao desenvolvemento do municipio proporcionando unha maior calidade de vida á súa poboación. O prazo de execución establecido para a finalización das citadas actuacións é de seis meses.

O EDIFICIO FOGAR SAN PAIO DE VIGO ACOLLERÁ O PROXECTO DE FORMACIÓN DE CEAGA

Vigo

A directora xeral de Formación e Colocación, Ana María Díaz López, anunciou hoxe en Vigo o protocolo de colaboración co Clúster de Empresas de Automoción de Galicia A iniciativa, que é pioneira no país, desenvolverase na primeira planta das instalacións autonómicas, onde tamén se ubicará o Centro de Apoio ao Empregador Destacou a importancia desta cooperación ao lembrar que o sector da automoción é estratéxico en Galicia e resaltou que o proxecto formativo do clúster é de calidade e de referencia no país A iniciativa formativa está dirixida a todos os empregados deste sector que representa a máis de 21.000 traballadores.

Liñas xerais do proxecto O plan pioneiro, que se desenvolverá nas instalacións da Xunta, nace cunha dobre vocación educativa. Por un lado, centrarase na formación social (relacións humanas e habilidades persoais) e, por outra banda, abordará o aspecto máis técnico. Así, as áreas de estudos estarán determinadas polos materiais que se utilizan na fabricación dun coche, como poden ser metais, plásticos ou outro tipo de mecanismos. Na súa primeira fase de formación teranse en conta dous enfoques principais: o desenvolvemento de componentes e a capacitación das persoas que denominan os procesos. A previsión da súa posta en marcha, cos obxectivos do proxecto e o programa académico, é iniciar as actividades en marzo de 2010. O plan da Gota de Leche Co anuncio de que o fogar San Paio de Vigo acollerá o proxecto de formación de CEAGA péchase o proxecto de contido do edificio coñecido como Gota de Leche, unhas instalacións que albergarán de forma totalmente independente unha escola infantil entre a planta semisoto e a planta baixa e o Centro de Apoio ao Empregador na primeira planta, que compartirá espazo coa iniciativa do clúster da automoción.

NP AUGAS DE GALICIA ACADA DO MINISTERIO DE MEDIO AMBIENTE O COMPROMISO DE CONVOCAR NUN CURTO PRAZO A COMISIÓN DE SEGUIMENTO DO PLAN NACIONAL DE CALIDA

Galicia

A presidenta de Augas de Galicia trasládalle ao Goberno estatal a necesidade de aclarar as competencias que afectan ás Comunidades Autónomas en materia de avaliación e xestión de riscos de inundación Ethel Vázquez trasladou ao presidente de Acuanorte a necesidade de ultimar os detalles para proceder a sinatura do convenio para a construción da Edar de Vigo

Ethel Vázquez, participou esta mañá nunha reunión entre os directores xerais de Augas das Comunidades Autónomas e membros do Ministerio de Medio Ambiente, Medio Rural e Mariño, na que se abordou o borrador de real decreto de avaliación e xestión de riscos de inundación. Na reunión a presidenta de Augas de Galicia indicou que, en relación con este tema, existen competencias que afectan ás Comunidades Autónomas. Edar de Vigo

Por outro lado, Ethel Vázquez coincidiu co presidente da Sociedade Estatal Acuanorte, Jorge Marquínez, encargada de licitar a nova EDAR do Lagares, en Vigo- ao que se trasladou a necesidade de ultimar os detalles para proceder, no prazo máis breve posible, á sinatura do convenio para a construción desta infraestrutura hidráulica.

A presidenta de Augas de Galicia tamén lle indicou ao presidente de Acuanorte que se o concello de Vigo non dispón das cantidades necesarias para asumir as anualidades previstas pode acollerse á mesma fórmula á que se acolle a Xunta de Galicia, e diferir os seus pagos, xa que o problema financeiro é o mesmo que se atopou Augas de Galicia no momento de afrontar os seus compromisos.

A XUNTA LAMENTA O TRASLADO DE CEPRECO A MADRID E SEGUIRÁ TRABALLANDO PARA AVANZAR NA LOITA CONTRA A CONTAMINACIÓN

Galicia

A XUNTA LAMENTA O TRASLADO DE CEPRECO A MADRID E SEGUIRÁ TRABALLANDO PARA AVANZAR NA LOITA CONTRA A CONTAMINACIÓN Rosa Quintana pide ao Goberno central que rectifique e devolva o CEPRECO a Galicia A conselleira trasladoulle á directora xeral da Marina Mercante a preocupación polo traslado deste servizo a Madrid nunha xuntanza recente. A conselleira do Mar, Rosa Quintana, amosou a súa decepción pola decisión do Goberno central de desmantelar o equipo técnico de expertos que, adscrito ao antigo Centro de Prevención e Loita contra a Contaminación Marítima (CEPRECO), tiña sede na Coruña. A conselleira dixo que o CEPRECO desenvolvía unha tarefa “importante e loable” polo que o seu traslado “supón un paso atrás na súa capacidade, pola distancia física e pola dificultade de traballo en común e de proximidade ao terreo”.

A conselleira argumentou que o CEPRECO debería seguir na nosa comunidade “polos importantes episodios de contaminación que sufrimos e polo paso de 40.000 buques ao ano polo corredor de Fisterra, que converten o litoral galego nunha zona de alto risco”. A responsable de Mar sinalou no Parlamento que “pediu e volverá a pedir” ao Goberno central que rectifique e devolva esta estrutura a Galicia e advertiu que “ao aumentar e divsersificar as funcións do centro estase a disgregar esforzos”.

NP A XUNTA ADXUDICA 10 ACTUACIÓNS DE MELLORA EN ESTRADAS DA PROVINCIA DE PONTEVEDRA POR UN IMPORTE DE PRETO DE 2 MILLÓNS DE EUROS

Galicia§

Consellería de Medio Ambiente, Territorio e Infraestruturas centra as obras na rehabilitación de firmes, mellora de drenaxes ou reposición de sinalización e balizamento Estes proxectos pertencen ao Plan Extraordinario de Infraestruturas Viarias que destinará 644 millóns de euros ao investimento en infraestruturas co fin de fomentar a productividade e o tecido industrial As obras desenvolveranse nos concellos pontevedreses de A Guarda, Ponte Caldelas, Salvaterra de Miño, Cuntis, Lalín, Cangas e Crecente

A estrada PO-534, conexión entre Lalín e Folgoso, será obxecto da actuación de fresado e reposición de firme. A Consellería de Medio Ambiente, Territorio e Infraestruturas investirá máis de 230.000 euros. As accións levaranse a cabo nun treito de 4 quilómetros de lonxitude, polo que as obras- que se iniciaron a principios de novembro- durarán algo máis dun mes. No Concello de Salvaterra de Miño, concretamente na estrada PO-408, dende Fornelos a Salvaterra, levaranse a cabo obras de saneo e reforzo do firme, dispoñendo dun orzamento de máis de 230.000 euros. As obras de extendido da capa de rodadura realizaranse sobre un tramo de máis de 1,5 quilómetros. A estrada PO-801, que une Filgueira e o límite de provincia, no Concello de Crecente, contará coa execución do extendido dunha capa de rodadura. A actuación contempla un investimento de máis de 230.000 euros. As obras comezaron o 29 de outubro e rematarán sobre o 12 de decembro, segundo as previsións da Consellería. Mellora de drenaxes A Consellería de Medio Ambiente, Territorio e Infraestruturas realizará un proxecto de conservación da drenaxe lonxitudinal na PO-315, estrada que conecta os núcleos de Bueu e Cangas. Dita actuación dispón dun orzamento de preto de 200.000 euros así como dun prazo de execución que vai dende o pasado 16 de novembro ata finais de decembro. Ampliación de estruturas No Concello de Cuntis, na vía PO-220, conexión entre Pino e Cuntis adxudicouse a obra de ampliación de infraestruturas, contando cun investimento de preto de 150.000 euros. Cómpre sinalar que as accións centraranse na construción dunha nova ponte que conta cunha estrutura de vigas. O prazo de execución destas actuacións iniciouse a principios de novembro e manterase ata mediados de decembro. A Xunta tamén executará un ensanche de plataforma que pretende a mellora da seguridade viaria na PO-532, estrada que conecta Pontevedra e Ponte Caldelas. Esta acción establece un orzamento de máis de 230.000 euros. O proxecto iniciouse o pasado 2 de novembro e a súa finalización está prevista para o 20 de decembro.

O pleno da Corporación aproba por unanimidade o IV Plan Integral de Igualdade 2009-2012 do Concello de Vigo

Vigo

O pleno da Corporación Municipal aprobou hoxe por unanimidade o IV Plan Integral de Igualdade de Oportunidades de Mulleres e Homes 2009-2012 do Concello de Vigo, que conta cun orzamento para a súa posta en marcha de 1.213.000 euros. Previo a defensa e explicación do Plan realizada pola concelleira de Igualdade, Iolanda Veloso, a representante do Consello da Muller, Luisa Ocampo, deu lectura á declaración institucional do Concello de Vigo con motivo do Día Internacional da Eliminación da Violencia contra a Muller, que se celebra hoxe, e no que se destaca o compromiso da administración local para acadar este obxectivo. Declaración Institucional co gallo do "Día internacional da eliminación da violencia contra a muller" IV Plan municipal integral para a igualdade de oportunidades entre mullres e homes de Vigo 2009-2012" Na presentación do Plan de Igualdade, "instrumento para corrixir os desequilibrios sociais existentes para acadar a igualdade real", segundo o definiu Iolanda Veloso, a concelleira nacionalista sinalou as 104 medidas concretas que contempla este documento para acadar ese obxectivo. Explicou que esas actuacións se desenvolverán nos eidos da educación en igualdade, a conciliación e a corresponsabilidade, a participación económica, a violencia de xénero e a atención á diversidade.A educación en igualdade é, a xuízo da edil do BNG, a área que ten un "peso fundamental", polo que supón de prevención das desigualdades e sensibilización da comunidade educativa en particular e da sociedade no seu conxunto. Neste sentido destacou a importancia de elaborar e distribuir materiais con contidos non sexistas entre os centros de ensino da cidade, así como organizar actividades formativas para o profesorados e nais e pais. Tamén fixo referenza á realización de actividades de potenciación do deporte feminino e a promoción dunha linguaxe e imaxe non sexistas. A elaboración dun estudo sobre a situación social das mulleres en Vigo, a creación dun observatorio municipal de xénero e a realización dunha campaña de concienciación dirixida ao persoal sanitario para que o xénero se considere un elemento determinante na saúde integral das nenas e as mulleres foron outras das medidas que destacou a concelleira de Igualdade. Na área de conciliación e corresponsabilidade, Iolanda Veloso sinalou a necesidade de ampliar o programa de Fomento da corresponsabilidade doméstica e familiar, así como de impulsar os servizos que favorezan a conciliación da vida laboral e familiar e realizar actividades dirixidas ás empresas para facer cumprir as previsións legais existentes nesta materia. No tocante á participación económica, a edil nacionalista tamén defendeu a posta en marcha de medidas no ámbito empresarial, tanto as encamiñadas á eliminación de estereotipos de xénero como concienciación das persoas responsables da selección de persoal nas empresas co obxectivo de fomentar a igualdade de oportunidades entre homes e mulleres. Respecto ás adxudicacións públicas, abogou pola inclusión de cláusulas de contratación con empresas e outras entidades que promovan a igualdade. A concelleira de Igualdade, no eido da violencia de xénero, salientou que o obxectivo fundamental das medidas que contempla o Plan consiste en "rematar coa situación de terrorismo contra as mulleres" e proporcionar atención integral as vítimas de violencia de xénero, tanto mulleres como nenos e nenas. Ao respecto, destacou a necesidade de poñer en marcha un programa de dinamización para erradicar o illamento e soidade e potenciar as relacións sociais das mulleres vítimas que o precisen. Asemade, instou á Xunta de Galiza a incrementar o persoal do Centro de Emerxencia, poñer en marcha un Centro de Recuperación Integral e mellorar o funcionamento do Punto de Encontro. Neste eido tamén fixo fincapé na pertinencia de analizar percepción que teñen os adolescentes de Vigo sobre a violencia de xénero, xa que segundo apuntou cada vez está máis estendida a crenza de que forma parte das relacións entre homes e mulleres.Traducir a diversos idiomas o material informativo sobre os servizos dirixidos a mulleres inmigrantes, desenvolver actividades de concienciación e información sobre igualdade entre os homes inmigrantes e difundir entre as mulleres prostituídas información dos recursos dirixidos ás mulleres foron tres das medidas que salientou Iolanda Veloso no eido da atención á diversidade. Elemento común a todos os eidos do Plan destacou a necesidade de difundir o Plan de Igualdade en todos os ámbitos sociais.Na súa intervención, a edil afirmou que este cuarto Plan de Igualdade foi aprobado por unanimidade polo Consello da Muller e partiu na súa elaboración da avaliación do terceiro Plan de Igualdade e a participación de diferentes departamentos municipais, movementos asociativos e diferentes axentes sociais. Iolanda Veloso indicou asemade que para elaborar o novo documento se tiveron en conta diversos datos do Instituto Galego de Estatística, segundo os cais en Vigo as mulleres representan o 52% da poboación, porcentaxe que chega ao 60% no caso das mulleres maiores de 60 anos. No tocante ao nivel de estudos, as mulleres que non saben ler nin escribir son o 78,5% da poboación. "A desigualdade na formación sitúa ás mulleres nunha posición discriminatoria respecto a igualdade de oportunidades", dixo Iolanda Veloso ao respecto. No ámbito laboral, indicou que os datos amosan unha "masculinización e feminización dos sectores", xa que a maioría das mulleres so se produce no sector servizos, cun 52% de presenza feminina. "Hoxe non é o día de entrar no debate político, senón de agradecer o traballo e o compromiso de todos e todas para chegar a este cuarto Plan de Igualdade", destacou a edil do BNG. Finalmente, salientou que a aprobación por unanimidade do Plan é "exemplo da asunción do compromiso para erradicar a violencia de xénero". O alcalde garantiu o "apoio incondicional do Concello" á Rede de Mulleres Veciñais contra os malos tratos Abel Caballero asina co Círculo Mercantil un convenio que sufraga as súas actividades e a Coral Casablanca Consello da Xerencia Municipal de Urbanismo

Concerto benéfico pro Vida Digna

Vigo

A ESCOLA DE ALTOS ESTUDOS MUSICAIS OFRECERÁ UN CONCERTO EN FAVOR DA ASOCIACIÓN VIDA DIGNA

O recital terá lugar o próximo mércores, 2 de decembro, ás 20 horas, no Centro Cultural Caixanova, con 900 entradas á venda A orquestra da Escola interpretará pezas de Beethoven, Bach e Haydn, este último coma homenaxe polo bicentenario do seu pasamento O alcalde e o tenente de alcalde presentaron o evento co Xerente da Escola, Enrique Meller, e o Presidente da Asociación, Santiago Mella Os vigueses ademais de asistir o concerto poderán colaborar coa Asociación a través da compra de entradas da Fila 0 no número de conta: 2080 0010 49 30040018220 A orquestra da Escola de Altos Estudos Musicais ofrecerá un concerto benéfico de nadal o próximo mércores, 2 de decembro, no Centro Cultural Caixanova a beneficio da asociación Vida Digna. Esta tarde tivo lugar a presentación do evento, na que participaron o alcalde de Vigo, Abel Caballero, e o tenente de alcalde, Santi Domínguez, acompañados polo Presidente de Vida Digna, Santiago Mella, e o Xerente da Escola, Enrique Meller. Segundo indicaron, sairán á venda un total de 900 entradas para o recital benéfico, no que a orquestra da Escola interpretará pezas de Ludwig van Beethoven, Johan Sebastian Bach e F.J. Haydn, este último coma homenaxe ao autor por mor do bicentenario do seu pasamento. Tanto o alcalde como o tenente de alcalde coincidiron en salientar a “admiración” que desperta Vida Digna entre a cidadanía viguesa e fixeron un chamamento aos vigueses e viguesas para que participen no evento en apoio da entidade, unha nova mostra da “solidariedade” que define a Vigo. O Presidente de Vida Digna, pola súa banda, agradeceu o apoio do Concello de Vigo e animou á cidadanía para “axudar á xente máis necesitada” e gozar ademais da boa música que ofrecerá a orquestra. O Xerente da Escola de Altos Estudos Musicais, Enrique Meller, felicitou a Vida Digna pola súa “magnífica labor” e amosou a “satisfacción e o orgullo” da entidade por poder participar nun evento solidario como este. Meller mostrouse “convencido” do cheo do Auditorio e confiado en que Vigo demostre a “xenerosidade” que a caracteriza. Os interesados poderán adquirir as súas entradas nos aparcadoiros de Urzáiz, Independencia e Pintor Colmeiro, en TeleVigo, no Restaurante Soriano e na propia sede de Vida Digna, en Vázquez Varela, 21.

Últimos días de ArtFutura no MARCO

Vigo

Lembrámoslles que esta fin de semana será a derradeira na que se exhiba no salón de actos do MARCO o programa audiovisual de ArtFutura 2009, que estará en marcha este xoves 26 (de 19.00 a 21.00), venres 27 (de 19.00 a 21.00), e sábado 28 (de 17.00 a 21.00). Un total de oito horas de imaxes de alto impacto coas últimas achegas do campo da cultura e a creatividade dixital. DATAS Do 29 de outubro ao 28 de novembro LUGAR salón de actos HORARIOS xoves e venres, de 19.00 a 21.00 sábados, de 17.00 a 21.00 ENTRADA: 1€ / día AFORO LIMITADO Información xeral 2009 ‘20 anos: da realidade virtual ás redes sociais’ O 29 de outubro comezou no MARCO o programa audiovisual de ArtFutura, que neste ano 2009 celebra a súa vixésima edición. Este especial aniversario ten o seu reflexo nun programa audiovisual moi atractivo, que explora os novos tipos de creatividade relacionados coas redes sociais como Facebook e YouTube. O programa deste ano conta con máis de oito horas de material, que inclúe un especial de animación con obras seleccionadas dos 20 anos de ArtFutura (‘The Best of the Rest’), as novas seleccións do 3D Futura Show e 3D en España, documentais sobre a obra de Chris Landreth, PES e Digital Kitchen, dous programas retrospectivos e dúas novas seccións: Reality Bytes (dedicada aos novos documentais) e Futura Graphics.

O ALCALDE CONSEGUE O COMPROMISO DA XUNTA DE ACOMETER “REFORMAS URXENTES” NOS COLEXIOS DE VIGO

Vigo

Caballero considera que esta reunión sentou “as bases” para solventar deficiencias que arrastran os centros escolares “desde fai 30 ou 40 anos” O alcalde presentou ao conselleiro un informe coas “reformas urxentes” necesarias nos colexios, como a ampliación dos comedores escolares Pese a ser competencia da Xunta, Caballero abogou pola sinatura dun convenio para coordinar as melloras dos centros educativos a medio prazo O alcalde, Abel Caballero, acadou esta mañá o compromiso da Consellería de Educación da Xunta de Galicia de acometer “reformas urxentes” nos centros educativos da cidade de Vigo. Abel Caballero viaxou a Santiago de Compostela para entrevistarse co conselleiro, Jesús Vázquez, a quen presentoulle un detallado informe sobre o estado actual e as necesidades dos colexios vigueses, como por exemplo a execución de reformas de mantemento ou a ampliación dos comedores escolares, entre outras. O alcalde, quen cualificou de “positiva” a reunión, asegurou que esta entrevista sentou “as bases” para solventar os problemas derivados de non realizar melloras nos colexios de Vigo “desde fai 30 ou 40 anos” e que agora tórnanse en “reformas urxentes”. Para subsanalas, e pese a ser competencia exclusiva da Xunta de Galicia, Caballero abriu a posibilidade de establecer un convenio entre o Concello de Vigo e a Xunta de Galicia que permita definir “de forma coordinada” as actuacións a realizar nos centros educativos da cidade olívica a medio prazo. “En Vigo temos unha situación nos centros de ensinanza primaria que arrástrase desde fai 30 ou 40 anos, moi deficente”, recordou o alcalde, polo que “necesitan de actuación xa” para así “resolver todas as deficiencias que foron acumulando” ao longo das décadas. Reformas O informe presentado polo alcalde ao conselleiro de Educación revela as necesidades imprescindibles dos centros de ensinanza da cidade para garantir os mínimos esixibles na educación de Vigo. O documento reflexa a urxencia de acometer melloras en cuestións básicas como a carpintería, as cubertas exteriores e as instalacións eléctricas, de calefacción e iluminación, sobre as que o Concello de Vigo xa está a actuar ao longo deste 2009. Outra medida solicitada por Abel Caballero ao conselleiro foi a ampliación de oito comedores escolares, que non poden cubrir a ampla demanda actual e para o que solicitou a “actuación inmediata” da Xunta de Galicia.

O TELECENTRO DO CONCELLO DE VIGO CONÉCTASE POR VIDECONFERENCIA CO DE RIBERA DE ARRIBA (ASTURIAS) PARA INTERCAMBIAR EXPERIENCIAS NA DINAMIZACIÓN DE

Galicia

.- O Telecentro de Comunicación do concello de Vigo conectarase mañá a través de videoconferencia co Telecentro de Ribera de Arriba en Asturias. Trátase dun acto organizado polo Centro de Formación e Recursos de Vigo, dependente da Consellería de Educación e Ordenación Universitaria, co que se pretende darlles a coñecer a mestres de primaria e secundaria da comarca de Vigo as estratexias a seguir á hora de dinamizar as bibliotecas escolares. Durante dous días, mañá, mércores e pasado, xoves, de 18.00 a 21.00 horas, vinte profesores da comarca de Vigo inscritos nun curso sobre Investigación documental na biblioteca escolar a través das TIC intercambiarán experiencias a través de videconferencia con Rosa Piquín, profesora responsable da Biblioteca Escolar do CP Pablo Iglesias(Soto de Rivera, Asturias). Rosa Piquín é Premio Nacional de Proxectos de ideas para a mellora e innovación das Bibliotecas Escolares (2005).A través de iniciativas deste tipo, o Centro de Formación e Recursos de Vigo pretende integrar as tecnoloxías da comunicación e da información nos procesos de ensino e aprendizaxe e na busca documental así como impulsar a innovación metodolóxica nas prácticas educativas facendo da biblioteca escolar un elemento potenciador da participación activa do alumnado. A Secretaría Xeral de Medios, a través do Centro Multimedia de Galicia, está a traballar en dar a coñecer toda as posibilidades que ofrecen os TC para convertelos en puntos de referencia, dentro de cada concello, como lugares de encontro, de formación e de promoción do audiovisual galego. O obxectivo de Comunícate é que os Telecentros de Comunicación se incorporen como alternativa habitual na axenda de tempo libre da cidadanía. A Rede de Telecentros de Comunicación (RTC) é un servizo público e gratuíto para todos os cidadáns financiado pola Secretaría Xeral de Medios, en colaboración cos concellos onde se sitúan. Actualmente a Rede de Telecentros de Comunicación de Galicia dispón de TC nas localidades de Coruña, Abegondo, Arzúa, Betanzos, Boiro, Brión, Carballo, Melide, Muros, Negreira, Oroso, Santa Comba, Santa Comba, Ribeira, Santiago, Vedra, Vimianzo, Allariz, Castro Caldelas, O Baro de Valdeorras, O Carballiño, Ourense, Verín, Xinzo de Limia, A Fonsagrada, Becerreá, Chantada, Foz, Guitiriz, Lugo, Monforte de Lemos, Monterroso, Quiroga, Sarria, Viveiro, A Cañiza, A Estrada, Catoira, Lalín, Marín, Ponteareas, Pontevedra, Redondela, Tui, Vigo e Vilagarcía de Arousa.

INAUGURADA NO MUSEO DO MAR DE VIGO A EXPOSICIÓN “NAVEGANDO NO BEAGLE” QUE CONMEMORA O 150 ANIVERSARIO DA TEORÍA DA SELECCIÓN NATURAL DE DARWIN

Vigo

O conselleiro de Cultura e Turismo e a conselleira de Mar presidiron a inauguración que ambos valoraron como “unha achega á figura de Darwin” e gabaron a capacidade do Museo para a “difusión da cultura marítimo-pesqueira”. Roberto Varela anunciou que no 2010 a Consellería cederá 1.700.000 euros ao Museo para “o crecemento e consolidación do proxecto museístico”. Rosa Quintana advertiu no Museo que “debemos apoiar a fabricación de ideas vinculadas ao mar, plasmar a súa sabedoría e os seus enraizamentos en Galicia

O CONCELLO DE SALCEDA VEN DE ASINAR CONVENIOS COAS ENTIDADES CULTURAIS E DEPORTIVAS POR VALOR DE 119.500 €

Salceda de Caselas

Mónica Vizcaya, Alcaldesa en funcións de Salceda, en compañía de Teresa Pérez, Concelleira de Cultura e Deportes ven de asinar os convenios de colaboración coas entidades culturais e deportivas para este ano 2009.No eido cultural, un total de 14 asociacións entre as que están os oito centros culturais, as dúas corais, a banda de música, a banda de gaitas e os entroidos de A Feira e Castro Barreiro, van recibir un total de 50.600 €. Ademáis destes 48.600 €, a Concellaría de Cultura reservou outra partida de 5000 € para que outras entidades culturais do municipio reciban tamén axudas económicas do Concello. Estas subvencións están xa tamén resoltas, polo que todas as entidades están xa no proceso de justificación para o cobro. Alcaldesa e Concelleira manifestaron tamén o seu desexo de que cada vez sexan máis as asociacións que reciban as axudas de maneira nominativa, evitándolles así o proceso de solicitude de subvencións, e podendo ter xa claro dende principio de ano a axuda que van recibir do Concello. No que se refire ao deporte asináronse 68.900 € entre os Clubes de fútbol, baloncesto e balonmán Caselas, as Escolas Deportivas Municipais, o Club Ciclista Aragonta e o Club de Xadrez Altamira. A Concellaría de Deporte reservou tamén unha partida de 5.000 € para outras entidades deportivas do concello, tales como os equipos de futbol aficionado que cada domingo xogan nos campos das parroquias. A maior parte destes equipos non estaban constituídos como club deportivo, paso que están dando agora co asesoramento da Concellaría de Deporte de Salceda, para poder así ter acceso ás axudas tanto por parte do Concello como das demáis adiminstracións públicas. A alcaldesa en funcións, Mónica Vizcaya, amosoulles ás entidades o total apoio do Concello, ao traverso da Concellaría de Cultura e Deporte, poñendo á súa disposición as instalacións municipais existentes para levar a cabo os seus actos públicos, e ofrecéndolles o asesoramento preciso nos trámites que cada unha delas teña que desenrolar