Salceda de Caselas
Están xa practicamente ramatadas as obras de reforma do Pavillón Municipal de Salceda de Caselas. Procedeuse á renovación da cuberta do inmoble, con un orzamento total de 52.000 €, nunha obra adxudicada a JUMAR, S.L. Para esta obra o Concello conta con unha subvención da Secretaría Xeral de Deportes da Xunta de Galicia, que ascende a 25.000 €, e que fora xa aprobada polo anterior executivo o pasado ano 2008.Así mesmo, aproveitáronse estas obras para realizar un lavado da fachada do pavillón, así como das paredes interiores, conseguindo mellorar notablemente o aspecto do inmoble, que co paso dos anos fora adquirindo grandes manchas, sobre todo debido ás choivas.Teresa Pérez, Concelleira de Deportes do Concello de Salceda de Caselas, defendeu a importancia destas obras para o desenrolo dos diversos actos deportivos que se poñen en marcha dende a Concellaría. “Resultaba urxente o cambio da cuberta, que estaba moi deteriorada, e no inverno moitos días o pavillón se quedaba inutilizable polas filtracións de auga”. Así mesmo, a concelleira quixo salientar que se trata de unha obra que non tería sido precisa se o pavillón tivese tido un mínimo de mantemento. ”As canaletas están totalmente obstruídas, algo que con un mantenemento anual se tería evitado”. Con estas obras conséguese mellorar considerablemente as condicións dun espazo que, en palabras da propia Concelleira “resulta fundamental para o densenrolo da actividade deportiva no concello”. O Pavillón é utilizado a diario polo Colexio Altamira e polas Escolas Deportivas Municipais. Así mesmo, os diversos clubes deportivos do municipio empregan tamén regularmente as instalacións, polo que a súa reforma resultaba urxente.
Vigo 
